නවතම Huawei P10 සහ P10 Plus ශ්‍රී ලංකාවට හඳුන්වා දෙයි

මෙරට ප්‍රමුඛතම ස්මාර්ට්ෆෝන් සන්නාමය වන  Huawei  සිය ජාතික බෙදාහරින්නා වන  සිංගර් ශ්‍රී ලංකා පීඑල්සී හා එක්ව නවතම Huawei  P10 සහ P10 Plus ශ්‍රී ලංකාවට හඳුන්වා දෙයි. ලොව සුපතල කැමරා සන්නාමය වන Leica හි තාක්ෂණය හා එක්ව ඉදරිපස සහ පසුපස කැමරා සහිතව මෙම නවතම Huawei P10 සහ P10 Plus නිමවා  තිබේ. මනා හුරුබුහුටි නිමාවකින් යුක්ත  Huawei P10 සහ P10 Plus ස්මාර්ට්ෆෝන් අතර උසස්ම ඡායාරූප තාක්ෂණය සහිත ස්මාර්ට්ෆෝනයයි.

මෙහිදී අදහස් දැක්වූ Huawei ශ්‍රී ලංකා ප්‍රධාන විධායක නිලධාරි ෂුන්ලි වොන්ග් මහතා සදහන් කළේ  ශ්‍රී ලාංකිකයාගේ ජීවන විලාසිතාව වෙනස් කරවන නවතම ලොව ප්‍රමුඛතම ස්මාර්ට්ෆෝනයක්  Huawei විසින් හඳුන්වා දී ඇති බවයි.
 එමෙන්ම මෙම අවස්ථාවට එක්වූ Huawei හි ජාතික බෙදාහරින්නා වන සිංගර් ශ්‍රී ලංකා සමාගමේ සමූහ ප්‍රධාන විධායක නිලධාරි අසෝක පීරිස් මහතා සඳහන් කළේ Huawei සිය පාරිභෝගිකයින්ට අමතර වටිනාකමක් එක් කර ඇති බවයි. උසස් තත්වය සහ ඉහළ සේවාව හා බැඳුන උසස් තත්වයේ නිෂ්පාදනයක් තිළිණ කරමින් සිය පාරිභෝගිකයින්ගේ ජීවිත ඉහළ නැංවීම සඳහා Huawei කටයුතු කර ඇති බව හෙතෙම කියා සිටියේය.

Huawei P10  සහ P10 Plus ස්මාර්ට්ෆෝන් මෙරට අලෙවියේදී ඩයලොග් ආසියාටා පී.එල්.සී.ද ජාල සහකරුවකු වශයෙන් කටයුතු කරන අතර ඩයලොග් හි  VoLTE  තාක්ෂණය යටතේ 3G  සහ  4G සබඳතාවන් හා බැඳුනු උසස් මට්ටමේ සේවාවක් අත්විඳිමේ අවස්ථාව නවතම Huawei P10 සහ P10 Plus පාරිභෝගිකයින්ට හිමිවනු ඇත. මීට අමතරව අනිකුත් දුරකථන සේවා සමඟ ද මෙම ස්මාර්ට්ෆෝනය භාවිත කළ හැකි වෙයි.

ලබන ජුනි මාසයේ සිට Huawei P10  සහ  P10 Plus ස්මාර්ට්ෆෝන් Green variant වර්ණයෙන්ද ඉතා සීමිත ප්‍රමාණයක් මෙරටදී මිලදී ගැනීමට හැකියාව තිබේ.  Huawei P10 ස්මාර්ට්ෆෝනයක මිල රුපියල් 94,900ක් වන අතර Huawei P10 Plus ස්මාර්ට්ෆෝනයක මිල රුපියල් 109,900 ක් වේ. මෙම පෙරළිකාර ස්මාර්ට්ෆෝනය පෙර ඇණවුම් කිරීම සඳහා ඩයලොග් ආසියාටා පීඑල්සී පාරිභෝගිකයින්ට සහ ඩයලොග් ක්ලබ් විෂන් සාමාජිකයින්ට විශිෂ්ට අවස්ථාවක් හිමිව තිබේ.